كشف محمد عبدالواحد، مدرب منتخب مصر المساعد، تفاصيل ما فعله ليونيل ميسي قائد الأرجنتين خلال مواجهة المنتخب الوطني في كأس العالم، واصفًا تصرفه بأنه كان يحمل «خبثًا» بحسب تعبيره.
وكان منتخب مصر قد ودع منافسات كأس العالم من دور الـ16 أمام الأرجنتين، بعدما نجح الأخير في تحويل تأخره من هدفين إلى فوز بثلاثية.
وقال محمد عبدالواحد في تصريحات عبر قناة «أون سبورت» إن ما فعله ميسي لم يكن مجرد ذكاء، مضيفًا: «مش عايز أقول ذكاء بس فيه خبث يعني».
وتابع: «ميسي جاي يستفز مش يعمل مشكلة بس يدخلك مشكلة، لكن الخناقة اللي حصلت والخناقة بتاعت كابتن سعفان الصغير مكانتش مع ميسي كانت مع لاعب في خط الوسط».
وعن أداء الحكم، أوضح عبدالواحد أنه لا يفضل اختزال المباراة في التحكيم، قائلاً: «أنا مش بحب أخد الموضوع كله في تحكيم، مش بقول الحكم خسرنا لكنه كان متربص ومداناش حقنا القانوني، الأجوال جت في أوقات متأخرة، الناس فاهمة إنك لو بتلعب بـ 5 مش هييجي فيك جول، لكن الدفاع مع فريق زي الأرجنتين مش محتاج أطوال محتاج تمركزات واللاعيبة التركيز بتاعها يعلى».