علقت الفنانة ريهام حجاج على الحلقة الأخيرة من مسلسل “توابع” الذي تخوض بطولته، حيث انتهت حلقات العمل التي عرضت في النصف الأول من شهر رمضان ٢٠٢٦، وأعربت عن استمتاعها الكبير بالتجربة.
قالت ريهام: “خلص توابع وخلصت رحلتي مع شهيرة خطاب، عايزة أقول كلمتين عن التجربة إللي أستمتعت بيها جداً”، ثم تابعت: “من أول ما الأقدار جمعتنا أنا ومحمد ناير ويحيي اسماعيل، لاقينا عوامل مشتركة في الهدف وطريقة الفكر، إللي هي السعي في محاولة الجمع بين رسالة الفن والجماهيرية، الحقيقة إنه مش سهل ولكن ليس مستحيلاً، الكل عارف الخلطة السحرية للمشاهدات والترندات، والكل كمان عارف الخلطة الفنية الهادفة، إللي الأغلبية مش بيميلوا ليها”
أوضحت ريهام أن هذه هي طبيعة البشر، وعبرت عن ذلك بقولها: “عشان كدا كلمة (أكثرهم) في القرآن دايماً مقترنة بمفردات زي (لا يعلمون) و(لا يفقهون)، وهو ده اللي بنسميه في أيامنا دي التريند والجري وراه، وهذا المعنى الحقيقي للتوابع”
كما أضافت: “أنا بشكر محمد ناير ويحيي اسماعيل على إنهم قدروا مع كل من شارك في مسلسل توابع من كل الأقسام واحد واحد، أن يقدموا رسائل توعي الناس وتخليهم يفكروا وهم مستمتعين بالفرجة ومتسليين ومتأثرين، الحمد لله عملنا معادلة كان نفسنا نوصلها، بشكر الجمهور الواعي اللي فهم الرسائل وتكلم عنها وقدرها واستمتع بيها”