وجه المنتج أحمد الجنايني رسالة لزوجته الفنانة منة شلبي بعد عرض الحلقة الأخيرة من مسلسل “صحاب الأرض” الذي عرض في النصف الأول من شهر رمضان 2026.
رسالة الجنايني لزوجته بعد الحلقة الأخيرة
كتب الجنايني عبر حسابه على إنستجرام معبرًا عن فخره بها حيث قال: “مبروك من قلبي، أنا حقيقي فخور بيكي، صحاب الأرض مش مجرد مسلسل، ده عمل بيحكي قضية مهمة بصدق وشجاعة، عمل هيعيش سنين كتير”
وتابع قائلًا: “منة شلبي، مبروك النجاح الكبير ومبروك على الأداء الصادق والقوي، وعلى اختيارك دايمًا للأعمال اللي ليها معنى وتأثير، ربنا جزاكي على قد مجهودك وتعبك، وشكرًا على احترامك وإخلاصك في شغلك”
رسالة الجنايني لـ بيتر ميمي بعد الحلقة الأخيرة
أوضح الجنايني في رسالته: “دكتور بيتر، إيه الحلاوة والجمال ده، قدرت توصل الإحساس لدرجة إني حسيت إني عايش معاناتهم وصمودهم، وعمر ما كان الإحساس ده هيوصل من غير مخرج وممثلين موهوبين جدًا ومؤمنين بالقضية اللي بيقدموها، وصورة وديكور وملابس خلّونا نحس إننا عايشين معاهم وموسيقى أكثر من رائعة”
وأضاف: “كل ده مكنش هيحصل من غير إنتاج قوي جدًا واقف ورا مشروع مهم زي ده، دينا كريم، كل الشكر والتقدير لكل صناع هذا العمل على تقديم قصة تستحق أن تُروى، مبروك”
أبطال مسلسل صحاب الأرض
يتألق مسلسل “صحاب الأرض” ببطولة إياد نصار ومنة شلبي، كما يشارك فيه الفنان الفلسطيني كامل الباشا، وعصام السقا، وتارا عبود، وآدم بكري، وسارة يوسف، وهو من تأليف عمار صبري وإخراج بيتر ميمي.