تحدثت الفنانة إلهام شاهين عن والدتها الراحلة، حيث استرجعت اللحظات القاسية التي عاشتها بعد فقدانها والتأثير الكبير الذي تركه هذا الفقد على حياتها الشخصية والمهنية.

تصريحات إلهام شاهين عن والدتها

شاركت إلهام في برنامج “بين السطور” قائلة: “ماما شبه مين؟ أنا شبهها في كل حاجة ما عدا طيبتها الزايدة، لا مش في كل حاجة.. أنا شبهها في الشكل يعني هتحسي الملامح فعلاً واحدة، وبعدين أنا وماما كنا حاجة واحدة، قريبين أوي من بعض، الله يرحمها، وخصوصًا في أوقات مثل رمضان أو مناسبات العيد التي تجمع الأسرة، دائمًا بنحس إننا مفتقدين ماما جدًا جدًا”

كما تابعت إلهام شاهين حديثها عن تأثير غياب والدتها على حياتها، مشيرة إلى أنها كانت تشعر بالأمان حين كانت والدتها موجودة، لكن بعد وفاتها لم تعد تشعر بهذا الأمان أو الاستقرار أو السعادة، حيث أكدت أن أي أحداث جيدة لم تعد تُشعرها بالفرح، حتى نجاحها في الأعمال الفنية لم يكن له طعم بدون رأي والدتها.

واعترفت إلهام بأنها عاشت فترة من الاكتئاب بعد وفاة والدتها، حيث قالت: “أنا قعدت لابسة 10 سنين أسود، حتى وأنا نايمة يعني البيجامة أو قميص النوم أسود، 10 سنين”

وأوضحت سبب تمسكها باللون الأسود، قائلة: “أنا الحقيقة قلت في الأول أنا هلبس لحد ما أموت أسود على ماما، وبعدين بعد 10 سنين بدأت الناس تنتقدني، يقولوا لي مش معقول إنتي في البرنامج طالعة بنفس الفستان في كام برنامج، أقول لهم لا ده فستان تاني، بس ما هو الأسود بتاع الحداد غير الأسود الدلع، فيه أسود لذيذ فيه حاجات يعني الموديل بتاعه فيه حاجة، أنا كنت بجيب كله حاجات سادة يعني ما تحسيش إن أنا غيرت مهما غيرت”

وأضافت إلهام أن الألوان مرتبطة بالحالة النفسية، حيث قالت: “أنا قعدت الـ10 سنين دول ما أقدرش أروح حفلة مثلًا فيها غنا أو انبساط أو رقص، أقول يعني أنا أنبسط وماما راحت؟”

لحظة مفارقة والدة إلهام شاهين للحياة

روت إلهام شاهين تفاصيل اللحظة التي فارقت فيها والدتها الحياة، حيث قالت: “ده أنا كنت موجودة معاها ما حدش قالي، شفتيها بعينك، أه أنا كنت موجودة معاها، ورد فعلي إن أنا قلت لهم هي مش هتدخل تلاجة لأن ده كان بالليل الساعة 2، لحد الصبح، لأن قالوا لي هنحطها في التلاجة لغاية الغسل الصبح، قلت لهم أنا بترجاكم بس سيبوها في مكانها، كانت في العناية المركزة، وسيبوني معاها، فأنا معاها وفي ستاير كده مقفولة وطلعت نمت في حضنها لحد الصبح وهي متوفية؟ يعني من الساعة 2 بالليل لغاية 9 الصبح، أنا بكلمها، أنا نايمة حضناها وبقي في ودنها لحد الصبح”

ووجهت رسالة لوالدتها، قائلة: “أقول لها ما فيش أم زيك في الدنيا، ما فيش في حنانها بجد ما لهاش شبيه، وإن هفضل مفتقداها لآخر يوم في عمري لحد ما نتقابل”

وعبرت إلهام عن ندمها على بعض اللحظات، حيث قالت: “ما ديتلهاش وقت كافي، كنت مشغولة جدًا في شغلي، كنت أوقات اليوم الإجازة أبقى في البيت مثلًا، تقولي لي قومي نتغدا سوا وأنا قاعدة في السرير وحوالي السكريبتات، ما ديتهاش وقت كافي، يعني لما انشغلت الشغل خدني جدًا جدًا فندمت إنه في أوقات كان لازم فعلًا، وأنا قلتها كذا مرة أستثمر الفترة اللي هي عايشاها وآخد منها حب وحنان، لأني أنا ما شبعتش منها، ماما ماتت صغيرة كمان أوي، كان عمرها 64 سنة، ربنا يرحمها”

اقرأ أيضًا:

كنزي مدبولي بعد ظهورها في “رامز ليفل الوحش”: “كنت بحلم أطلع مع غادة عادل”

ضياء عبد الخالق ينتقد صناع مسلسل “علي كلاي”: “لمصلحة من قلة التقدير”

وفاة الفنانة إيناس الليثي.