قال علي كامل سعودي، عضو شعبة الدخان بغرفة التجارة، إنه ما فيش زيادة في أسعار المعسل في الوقت الحالي زي ما حصل مع السجائر وأكد إن السوق هيفضل مستقر وأضاف إن سوق المعسل المصري فقد عدد كبير من المستهلكين بسبب ما يُعرف بمصانع “بير السلم” والسجائر المهربة، بالإضافة إلى أن المنافسة بقت قوية جدًا.
وأوضح سعودي، في تصريح خاص، إن تكلفة الإنتاج هي اللي بتحدد سعر المنتج لأن التبغ الخام بيتم استيراده بالكامل من الخارج، وكمان في ضريبة موحدة على كل مصانع المعسل في مصر بتوصل لـ 190%.
وأشار سعودي إلى إن السوق مش هيتحمل أي زيادة في الأسعار بسبب المنافسة الشديدة، والمصانع تحت بير السلم أثرت بشكل سلبي على المنتج المحلي وكمان أي كافيتيريا أو قهوة مش مهتمة بالجودة بقدر ما تهتم بالسعر، وده بيضر المصانع اللي بتشتغل بشكل قانوني، وفيه مصانع بتستخدم عسل غير معالج بينما المصانع المعتمدة بتستخدم عسل بلدي، وفي حالة استخدام عسل محول، لازم يكون مطابق للمواصفات.
وشدد سعودي على إن السوق المحلي فقد عدد كبير من المستهلكين، والقوة الشرائية تراجعت بسبب العوامل اللي اتكلمنا عنها، وفي نفس الوقت المنافسة بقت عنيفة والعروض كتير، وأي حد عايز يحافظ على حصته الحالية.