ناصر ماهر يوجه رسالة مؤثرة لجماهير الزمالك بعد رحيله عن النادي

وجه ناصر ماهر، لاعب نادي بيراميدز الجديد، رسالة وداع لجماهير الزمالك بعد انتقاله خلال فترة الانتقالات الشتوية الحالية.

كتب ناصر عبر حسابه على إنستجرام: “مش عارف أبدأ منين، لأن في حاجات مش سهلة تتقال، خصوصاً لجمهور عظيم زي جماهير الزمالك داخل وخارج مصر”

أضاف: “اسمحولي أعبر عن حبي واحترامي ليكم، والله مش مجرد كلام، من أول يوم دخلت فيه النادي وأنا حاسس إن المكان ده فيه حاجة تتحب، يمكن عشان كيان كبير أو لاعبين كبار وشخصيات محترمة”

تابع نجم الزمالك السابق: “الكورة ممكن تخليك تسيب مكان بتحبه، وده جزء من اللعبة، أنا بحبكم جداً، النهارده آخر يوم لي في نادي الزمالك، النادي اللي تشرفت إني ألبس تيشيرته التاريخي”

واصل حديثه: “إنتوا خلتوني نجم بجد، ودايماً بقول إن ربنا أكرمني بجمهور الزمالك، يمكن الرحلة خلصت بسبب ظروف النادي الصعبة، وأتمنى أكون جزء في حل الأزمة المالية”

أضاف: “بالنسبة لي الرحلة لسه فيها فصل تاني… إمتى؟ الله أعلم، بشكر كل زملائي في الفريق وبشكر إدارة النادي برئاسة الكابتن حسين لبيب”

شكر ناصر أيضاً المدربين الذين عمل معهم، وخص بالشكر كلاً من كابتن جون إدوارد وكابتن عبد الناصر محمد وكابتن أحمد سليمان.

اختتم حديثه قائلاً: “أنا دخلت النادي وقلت «أنا بحب الزمالك»، ودلوقتي وأنا ماشي بقول: هفضل أحب الزمالك”